این ایف سی ایوارڈز چارے صوبیں دے اتفاق رائے نال فائنل کیتا ویسی ‘ وفاقی وزیر خزانہ اسد عمر دا لاہور چیمبر آف کامرس اینڈ انڈسٹری اچ تاجر اں نال خطاب
Federal Minister for Finance, Revenue & Ecomomic Affairs, Asad Umar talking to media in Lahore on January 28, 2019.
لاہور۔28 جنوری(اے پی پی )وفاقی و زیر خزانہ،ریونیو اینڈ اکنامک افئیرز اسد عمرآکھیے جو این ایف سی ایوارڈز چارے صوبیں دے اتفاق رائے نال فائنل کیتا ویسی ۔آئی ایم ایف نال باقاعدہ گال چلدی پئی اے ،مذاکرات اچ آئی ایم ایف اپنڑے مطالبے توں تلے آگے ،گیس دیاں قیمتاں دے بعد بجلی دے ٹیرف دا مسئلہ وختی حل کریسوں‘اوور سیز سرٹیفکیٹ سکیم دے اجراءدا اعلان وزیر اعظم خود کریسن ‘افراط زر دی موجودہ شرح پیپلز پارٹی اتے ن لیگ دیاں حکومتاںتوں گھٹ اے ‘عوام تے مزید بوجھ پاتے بغیرریو نیو ٹارگٹ پورا کریسن ،کاروباری برادری سانگے کاروبار دوست ماحول پیدا کرنڑ دیاں کوششاں کریندے پن ۔ملک اچ روزگار دے موقع ‘صحت ‘تعلیم ‘ریونیو دا بہتر نظام ‘امن و امان دی صورتحال سمیت بئے مسلیں دا حل حکومت دی پہلی ترجیح اے ۔او سنوار کوں لاہور چیمبر آف کامرس اینڈ انڈسٹری اچ تاجر برادری نال خطاب تے میڈیا نال گال مہاڑ کریندے پے ہن ،ایں موقع تے وزیر مملکت ریونیو حماد اظہر ‘صوبائی وزیر صنعت و تجارت میاں اسلم اقبال ‘چیئرمین ایف بی آرمحمد جہانزیب خان ‘ لاہور چیمبر دے صدر الماس حیدر ‘چیف کلیکٹر کسٹم سمیت ودھ ساری تعداد اچ تاجر برادری موجود ہئی ۔
