اسلام آباد۔26جنوری (اے پی پی) پاکستان آکھیا جو او بھارت دے غیر قانونی زیر تسلط جموں تے کشمیر اچ انسانی حقوق دی خلاف ورزیاں تے آواز چیندا رہسی اتے اقوام متحدہ دی سلامتی کونسل دی قرارداداں دے مطابق حق خودارادیت کیتے جموں تے کشمیر دی عوام دی اخلاقی، سیاسی اتے سفارتی حمایت کریندا رہسی۔ دفتر خارجہ دی ترجمان ممتاز زہرا بلوچ خمیس کوں ہفتہ وار پریس بریفنگ اچ آکھیا جو 1990 دے ڈھاکے دے چھیکڑی ݙاہ ݙینھ اچ بھارتی قابض فون جموں تے کشمیر اچ قتل عام دے ترائے وݙے واقعے اچ ملوث رہیے۔ انہاں آکھیا جو 21 جنوری 1990 کوں سری نگر دے علاقے گائو کدل اچ بھارتی فوجیاں پر امن مظاہرین تے فائرنگ کر تے پڄاہ شہریاں کوں شہید اتے درجناں کوں زخمی کیتا، 25 جنوری 1990 کوں ہندواڑہ دے قصبہ اچ بھارتی فوجیاں ٻئے 21 نہتے کشمیریاں کوں قتل کیتا اتے 27 جنوری1994 کوں بھارتی فوجیاں کپواڑہ قصبہ اچ 27 شہریاں دا قتل عام کیتا۔ متاثرین اتے انہاں دے ٹبر اڄ تئیں انصاف آلے پاسے ݙٰکھدے پئن۔ ترجمان آکھیا جو وزیر خارجہ بلاول بھٹو زرداری اقتصادی تعاون تنظیم (ای سی او) دی کونسل آف منسٹرز دے 26 ویں اجلاس اچ شرکت کیتے 23 اتے 24 جنوری کوں تاشقند دا دورہ کیتا۔ انہاں (ای سی او) دے وزارتی کونسل توں اپݨے خطاب اچ تجارت، سرمایہ کاری، رابطیاں، سیاحت اتے اقتصادی ترقی کیتے رکن ملکاں وچال علاقائی تعاون دی اہمیت کوں اجاگر کرݨ دے علاوہ علاقائی تعاون کوں ودھاوݨ کیتے تجارتی پالیسیاں کوں جوڑݨ، مضبوط اتے انفراسٹرکچر اتے شہیں دی خدمات دے آزادانہ آوںج کوں سوکھا ٻݨاوݨ تے زور ݙتے۔ ترجمان آکھیا جو وزیر مملکت برائے خارجہ امور حنا ربانی کھر30 جنوری کوں جنیوا اچ اقوام متحدہ دی انسانی حقوق کونسل اچ پاکستانی وفد دی قیادت کریسن۔
