لاہور۔5اکتوبر (اے پی پی)وزیراعلیٰ پنجاب سردار عثمان بزدارنال وفاقی وزیر داخلہ بریگیڈیئر (ر) اعجاز شاہ اتے چیئرمین کشمیر کمیٹی شہر یار خان آفریدی ملین۔انہاں اداریاں کوں متنازعہ بنڑاونڑ دیاں کوششاں دی مذمت کریندے عزم کیتا جو اینجھے عناصر نال قانون دے مطابق نبڑیا ویسی اتے اداریاں دے خلاف ہر سازش دا ڈٹ تے مقابلہ کیتا ویسی۔ملاقات اچ ملک اچ امن و امان دی صوتحال اتے صوبےا چ عوامی بھلائی کیتے مختلف اقدامات تے الوایا گیا۔وزیر اعلی عثمان بزدارآکھیے جو لوکاں کوں امن و امان ڈیونڑ اتے قانون دی حکمرانی کیتے سارے وسائل لائے ویندے پین،کجھ عناصر مخصوص ایجنڈے کیتے اداریاں کوں بدنام کرنڑ دی سازش اچ ردھے ہوئن بھل حکومت عوام دے گانڈھے نال اینجھیاں ہر سازشاں کوں ناکام بنڑیسی۔وفاقی وزیر داخلہ بریگیڈیئر (ر) اعجاز شاہ آکھیے جو اپوزیشن ولوں اداریاں کوں متنازعہ بنڑاونڑ دا ایجنڈابے نقاب تھی چکیے،ملک دشمن عناصرکوں کہیں صورت کامیاب نہ تھیونڑ ڈتا ویسی۔چیئرمین کشمیر کمیٹی شہر یار خان آفریدی آکھیے جواداریاں تے الزام تراشی کرنڑ آلے ملک دے خیر خواہ نئیں تھی سگدے،منفی سیاست کرنڑ آلیاں دے رویہ ملک دشمناں آلا تھیندا ویندے جیکوں ہر صورت روکیا ویسی۔ملاقات اچ صوبائی وزیر قانون راجہ بشارت ، چیف سیکر ٹری پنجاب، انسپکٹر جنرل پولیس ، ایڈیشنل چیف سیکر ٹری داخلہ ، پرنسپل سیکرٹری وزیر اعلی اتے بئے حکام وی موجود ہن۔
