نوجوان کہیں وی ملک دا معاشی اتے سماجی ڈھانچہ بدال سڳدن ، اسد عمر

اسلام آباد۔8جولائی (اے پی پی):وفاقی وزیر منصوبہ بندی ترقی واصلاحات وخصوصی اقدامات اسد عمر آکھیے جو این سی اوسی آزاد جموں و کشمیر الیکشن کمیشن کوں جلسیں اچ ایس او پیز تے خلاف ورزیاں متعلق خط بھیجے ، چوتھی لہر دا ݙر اے ، اسلام آباد ہی نی ، ملک اچ کورونا کیسز ودھدے پئن ، ملک اچ ودھدے کیسز تے وزیراعظم کوں بریفنگ ݙیوݨ ویندے پیوں ،نینگر کہیں وی ملک دا معاشی اتے سماجی ڈھانچہ بدال سڳدن ، اے ڳال انہاں خمیس کوں نیشنل یوتھ کونسل دی حلف برداری تقریب توں خطاب کریندے ہوئیں آکھی اے ۔اسد عمر آکھیے جو چوتھی لہر دا ݙر اے، اسلام آباد ہی نی، ملک اچ کورونا کیسز ودھدے پئن ،اساں نی چاہندے جو عید تے پابندیاں لاؤں عید دا مزا خراب تھیوے ، ملک گیر لاک ڈاون دا سوال ہی پیدا نی تھیندا ، مکمل لاک ڈاون دے پاسے بالکل نہ ویسوں، سمارٹ لاک ڈاون جتھاں لوڑھ ہوسی کریسوں ، انہاں آکھیے اساݙی ھکومت نینگراں دی ترقی کیتے سارے ممکن اقدامات کوں یقینی بݨیندی پئی اے ۔

مضمون کا ماخذ : ڈریگن اسپن

متعلقہ مضامین