خانیوال واقعہ اچ متاثرہ شخص دی شناخت تھی چکی اے، ملزمان کوں کیفرکردار تئیں پڄایا ویسی ، حافظ محمد طاہر محمود اشرفی

اسلام آباد۔15فروری (اے پی پی):وزیراعظم دے نمائندہ خصوصی بین المذاہب ہم آہنگی و مشرق وسطیٰ امور اتے پاکستان علماء کونسل دے چیئرمین حافظ محمد طاہر محمود اشرفی آکھیے جو خانیوال واقعہ اچ متاثرہ شخص دی شناخت تھی چکی اے، حکومت متاثرہ بندے دے خاندان نال رابطے وچ ہے ، ملزماں کوں کیفرکردار تئیں پڄایا ویسی ، انتہا پسندی اتے دہشت گردی کوں روکݨ کیتے قوم کوں رل تے حکومت دا ساتھ ݙیوݨا چاہیدے ۔ منگل کوں اتھاں پریس کانفرنس توں خطاب کریندے ہوئیں حافظ محمد طاہر محمود اشرفی آکھیے جو خانیوال واقعہ دی صورتحال دے حوالے نال اڄ لاہور اچ اجلاس تھیا ، واقعہ دی اطلاع ملدے ہی پولیس فوری طور تے موقع تے پڄی، پولیس دی تعداد گھٹ ہئی تے مجمع تعداد اچ زیادہ ہئی، سری لنکن شہری دے قتل وانڳوں ایں واقعے کوں وی ݙٹھا ویندا پئے ، اہم مجرمان کوں گرفتار کرڳھدا ڳئے ، انہاں آکھیے جو خانیوال واقعہ دے ملزمان کوں اڄ ملتان اچ انسداد دہشت گردی عدالت اچ پیش کیتا ویسی ایں واقعے اچ ملوث 112 ملزمان کوں گرفتار کرڳھدا ڳئے ایجھے معاملات اچ کہیں قسم دی کوتاہی دی گنجائش کائنی ۔

مضمون کا ماخذ : جنگل وائلڈ

متعلقہ مضامین