بہاولپور۔11اگست (اے پی پی):وزیرِ اعظم عمران خان آکھیے جو جنوبی پنجاب دے حوالے نال کہیں وی قسم دا قدم چاوݨ توں پہلے سارے فریقین نال مشورہ کیتا ویسی، ایں خطے اچ زراعت دی اہمیت دے پیش نظر پاݨی متعلق سارے مسئلیں کوں حل کیتا ویسی ، پاکستان اچ پہلی واری ٹیکس دی مد اچ ریکارڈ محصولات کھٹیاں تھئن جیڑھا جو جو عوام دا حکومت تے اعتماد ہے، تعلیم ،صحت اتے بنیادی ڈھانچے دی بہتری حکومت دی اولین ترجیح اے ۔ بدھ کوں بہاولپور ڈویژن اچ ترقیاتی منصوبیں تے جنوبی پنجاب سیکٹریٹ دی کارکردگی و تعمیر تے پیش رفت دے جائزہ اجلاس دی صدات کیتی اتے مقامی ارکانِ قومی وصوبائی اسمبلی نال ملاقات کیتی۔وفاقی وزراء مخدوم خسرو بختیار، طارق بشیر چیمہ، سید فخر اما??، معاونِین خصوصی جم??ید اقبال چیمہ، ڈاکٹر شہباز گِل، ملک عامر ڈوگر، سینیٹر عون عباس بپی، وزیرِ اعلی پنجاب سردار عثمان بزدار، صوبائی وزیر خزانہ ہاشم جواں بخت، رکنِ قومی اسمبلی کنول شوزب تے بئے ارکان قومی و صوبائی اسمبلی اجلاس اچ شرکت کیتی۔اجلاس اچ وزیرِ اعظم کوں بہاولپور ڈویژن دی مجموعی صورتحال جیں اچ معاشی، س??اج??، تعلیم، صحت، بنیادی ڈھانچے اتے خصوصی طور تے زراعت دی پیداوار تے تفصیلی بریفنگ ݙتی ۔اجلاس کوں ݙسایا ڳئے جو بہاولپور ڈویژن رقبے دے لحاظ نال پنجاب دی ساریں توں وݙی ڈویژن اے، جیں اچ پسماندگی دی شرح پورے پنجاب اچ ݙوجھے نمبر تے ہے جیں کوں ہٹاوݨ کیتے حکومت جامع حکمتِ عملی تیار کر ڳھدی اے۔ جنوبی پنجاب پیکیچ اچ سارے اضلاع اچ صحت تعلیم تے بنیادی ڈھانچے دے منصوبے شامل ہن۔ اجلاس کوں ݙسایا ڳٰا جو چولستان اتے بہاولپور دے ماسٹر پلان تے تکھا کم جاری اے ، چولستان اچ سکولاں کوں سولرائز کرݨ، ہسپتالاں دی تعمیر اتے بہاولپور کوں سی پیک نال رلاوݨ کیتے شاہراہ دے منصوب?? تے پیش رفت تے بریفنگ ݙتی ڳئی۔جنوبی پنجاب دے حوالے نال اجلاس کوں ݙسایا ڳیا جو رولز آف بزنس تے کم پورا کرڳھدے جنہاں دی وختی منظوری ڳھدی ویسی ۔ 40 اچوں 15 صوبائی محکمیں کوں جنوبی پنجاب اچ منتقل کر ݙتا ڳئے ، پچھلے چھی مہینے توں ایڈیشنل چیف سیکٹری سیکٹریٹ دے امور ݙیکھدے پئن ،جنوبی پنجاب دی ملتان اتے بہاولپوراچ عمارتاں دی تعمیر تے پیش رفت بارے وی اجلاس کوں ݙسیا ڳیا ۔ وزیرِ اعظم ایں موقع تے آکھیے جو جنوبی پنجاب دے حوالے نال کہیں قسم دا قدم چاوݨ توں پہلے سارے اسٹیک ہولڈرز نال مشاورت کیتی ویسی ۔
