وزیر اعظم شہباز شریف سلمان صوفی کوں پرائم منسٹر سٹریٹجک ریفارمز دا سربراہ مقرر کرݙتا

اسلام آباد۔26مئی (اے پی پی) وزیر اعظم شہباز شریف سلمان صوفی کوں پرائم منسٹر سٹریٹجک ریفارمز دا سربراہ مقرر کرݙتا ۔ وزیراعظم آفس دے میڈیاونگ توں جاری بیان موجب سلمان صوفی رضاکارانہ طور تے اے ذمہ واری سرانجام ݙیسن ۔سلمان صوفی، مدر ٹریسا ایوارڈ یافتہ ماہر پبلک پالیسی ہن جیڑھے جو سماجی فلاح دے منفرد منصوبیں کوں متعارف کراوݨ ا ممتاز مقام رکھیندن ۔ انہاں پنجاب ویمن پروٹیکشن ایکٹ، وائلنس اگینسٹ ویمن سنٹر، ویمن آن ویلز اتے شہر خموشاں سودھے ٻہوں سارے عوام دوست منصوبے متعارف کروائے ۔ او شہباز شریف دے پنجاب وزارت اعلی دے دوران ڈی جی سٹریٹجک ریفارم یونٹ تعینات ہن۔ سلمان صوفی کوں دنیا اچ تریمتاں دے حقوق کیتے کم کرݨ آلے پنج ممتاز لوکاں اچ رلایا ڳئے جیں اچ موجودہ امریکی صدر جو بائیڈن وی شامل ہن ، انہاں کوں وائٹل وائسز ایوارڈ نال وی نوازا ڳئے ۔ساریاں وزارتاں کوں ہدایت وی ݙتی ڳئی اے جو او وزیراعظم دے اصلاحات ایجنڈا کوں توڑ پڄاوݨ کیتے ہر ممکن کوشش کریسن ۔

مضمون کا ماخذ : بڑا برا بھیڑیا۔

متعلقہ مضامین