جنہاں ارکان دے سوال ایجنڈے تے موجود ہوون او ایوان اچ آپݨی موجودگی یقینی بݨاون ، سپیکرقومی اسمبلی

اسلام آباد۔5اپریل(اے پی پی):سپیکرقومی اسمبلی راجہ پرویز اشرف سارے ارکان قومی اسمبلی کوں ہدایت کیتی اے جنہاں ارکان دے سوال ایجنڈے تے موجود ہوون او لازمی ایوان اچ آپݨی موجودگی یقینی بݨاون ۔ قومی اسمبلی اچ سوالاں دا وقفہ شروع تھیا تاں ٻہوں سارے ارکان دے ناں سپیکر ھک دے بعد ٻئے ناں سݙیے مگر او موجود نہ ہن۔ ایں تے ارکان قومی اسمبلی شیخ روحیل اصغر، آغا رفیع اللہ، اتے میر منور تالپور سپیکر کوں آکھیا جیڑھے ارکان خود موجود نہ ہوون انہاں دی جاہ کہیں ݙوجھے رکن کوں ضمنی سوال کرݨ دی اجازت ہووݨی چاہیدی اے جیں تے سپیکر آکھیے سوال کرݨ آلا رکن اپݨےسوال دے پیش منظر توں واقف ہوندے۔ ارکان مطالبہ کیتے جو سپیکر ایں حوالے نال رولنگ ݙیون۔ وزیر انسانی حقوق میاں ریاض حسین پیرزادہ آکھیے جیڑھے ارکان وقفہ سوالات اچ موجود نہ ہوون جے بعد اچ آون تاں انہاں سوال ول ڳھدا وںڄے۔

مضمون کا ماخذ : جیک اور بین اسٹالک

متعلقہ مضامین