اسلام آباد۔30دسمبر (اے پی پی):قومی احتساب بیورو (نیب) دے چیئرمین جسٹس جاوید اقبال آکھیے جو اڄ ملک توں بدعنوانی دا خاتمہ پورے ملک دی آواز بݨ چکیے ، بدعنوانی مکاوݨ کیتے نیب کوں فعال ادارہ بݨا ݙتے، نیب بدعنوان عناصر دے خلاف بلا تفریق قانون ??ے مطابق کاروائی کرݨ کیتے متحرک اے، نیب گزریل 4 سالاں دے دوران بدعنوان عناصر توں بلواسطہ اتے بلاواسطہ طور تے 541 ارب روپے برآمد کیتے جیڑھے جو پچھلے سالاں دے مقابلے وچ قابل ذکر کامیابی اے۔ اے ڳال انہاں نیب ہیڈ کوارٹرز اچ منعقدہ ھک تقریب توں خطاب کریندے ہوئیں آکھی اے ۔تقریب اچ چئیرمین نیب جسٹس جاوید اقبال صدر ڈاکٹر عارف علوی دی طرفوں نیب افسران/اہلکاران اچ شاند??ر کارکردگی تے میرٹ سرٹیفکیٹس ݙتن۔ تقریب اچ ڈپٹی چئرمین نیب ظاہر شاہ،ڈائریکٹر جنرل ہیڈکوارٹرز حسنین احمد اتے بئے اعلیٰ افسران شرکت کیتی۔ایں موقع تے چیئرمین نیب جسٹس جاوید اقبال آکھیے جو اڄ ملک توں بدعنوانی دا خاتمہ پورے ملک دی آواز بݨ چکیے جیں کوں عملی جامہ پواوݨ کیتے نیب کوں ھک متحرک ادارہ بݨا ݙتے جیڑھا جو بدعنوان عناصر دے خلاف بلا تفریق قانون ??ے مطابق کارروائی کرݨ کیتے متحرک اے ۔ اڄ ٹرانسپیرنسی انٹرنیشنل پا??ستان، ورلڈ اکنامک فورم، گلوبل پیس کینیڈا، پلڈاٹ اتے مشال پا??ستان جیہے نامور قومی اتے بین الاقوامی ادارے نہ صرف بدعنوانی مکاوݨ کیتے نیب دیاں کوششاں دی تعریف کیرندن بلکہ گیلانی اتے گیلپ سروے اچ 59 فیصد لوکاں نیب تے اعتماد ظاہر کیتے ۔
